熱線通告

各位會員，2024年6月10日(星期一)為端午節公眾假期，各單位休息，敬請留意。

端午節又到，今年我們好榮幸獲得 銀杏館 送出愛心糭讓我們可以轉贈會員，名額150個，每位基本同贊助會員均可獲得由銀杏館 送出「樂活糭」（素糭）兩隻 。 
想拎愛心糭嘅會員，由於臨近端午節，請大家係5月28日（星期二）下午3時開始以先到先得形式報名，只限致電服務中心報名熱線27601162登記，每通電話可以報2個人，名額150位，額滿即止。 
  
成功登記的會員可於5月31日（星期五）下午1點至2點於何文田或觀塘地鐵站領取。登記時請選擇係邊個地鐵站等，我地都會每15分鐘為一個時段，會員可以指定邊個時段拎，如果無指定，我哋將會係報名時為各位分配時段，請大家根據所選時間地點準時出席。 
  
詳細領取地點如下： 
何文田地鐵站B出口（第2個英文字母）需要出閘上一層扶手電梯有蓋空地領取。 
觀塘地鐵站D出口（第4個英文字母）需要出閘後前行到空地領取。 
  
如果需要由其他人代領，請由本人親自通知職員由邊位領取。 
  
銀杏館送出主要為「樂活糭」（素糭），領取之後須貯存於攝氏零下 10 度或以下。「樂活糭」由珍珠米、綠豆、燕麥、小米、三色藜麥、薏米、南瓜、栗子、銀杏及麵筋等十種豐富材料製成，無添加防腐劑、無添加味精，做出來的糭子更加健康，適合長者享用。糭子獨立真空包裝，每隻淨重約 260 克。糭子「最佳食用日期」為今年 10 月前。 
  
祝各位端午節快樂！如有任何疑問，請致電27600100與職員IRIS聯絡。

各位會員朋友大家好，唔知大家鍾唔鍾意唱歌呢?相信鍾意唱歌嘅朋友仔都想同大家以歌會友，歡聚同樂。咁不如我地今次一齊唱到尾，唱到盡興為止啦!當日我地每人至少會唱兩首歌，如果時間許可，就可以唱多一首歌架! 

活動日期會喺6月15日(星期六)下午1點至大約5點結束，活動當日嘅集合時間係下午1點正喺愛民服務中心集合，如有需要接送嘅參加者可於下午12點30分喺何文田地鐵站A出口(即係第1個英文字母)出閘位集合。收費方面，費用全免。本次活動只接受基本會員報名參加。 

有興趣參加嘅基本會員可以喺5月28號(星期二)下午3點至6月4號(星期二)下午3點，致電或WhatsApp到報名熱線2760 1162報名，每個電話以報1個人。會員在報名時需要告知同事活動當日會唱嘅歌曲名稱及其版本，可以報最多三首歌，需講明邊兩首會唱，而邊一首作後備。名額方面，唱歌名額有25個，不設旁聽位。如果報名人數多過名額，會進行抽籤，抽籤結果會喺6月6日(星期四)熱線通告中公怖。 

另外，唱K系統不接受任何CD、DVD光碟或USB手指，而大家所選擇的歌曲不保證在唱K系統中找到 

如果有任何問題，歡迎致電2760 0100同職員善善聯絡。

各位老友記會員大家好，嚟緊我地會走訪十八區，同各位老友記飲住早茶吹下水，等Annie同思韻可以認識大家，同埋了解大家嘅近況，大家又可以就住長者服務嘅發展比返D意見我地。每個區嘅長者茶聚只限住係個一區，60歲或以上嘅基本會員，其贊助會員或同行者參加。  
   
今次我地會去沙田區做長者茶聚，住係沙田區嘅老友記會員就要留意啦：  
活動會係6月17日(星期一)舉行，我地會去沙田石門安群街1號京瑞廣場2期3樓嘅煌苑飲茶，參加者需要係活動當日上午9點45分，係沙田石門港鐵站C出口 (第三個英文字母) 出閘位集合，然後我地會一齊行去酒樓。大約中午12點，會返去石門港鐵站解散。  
   
收費方面，60歲或以上基本會員或贊助會員每位$45，同行者每位$85。   
   
有興趣嘅沙田區長者會員可於5月29日(星期三)下午3點至6月7日(星期五)下午3點，用Whatsapp或致電報名熱線2760 1162報名，每個電話可以報2個人。名額14個，如果報名人數多過名額，就會進行抽籤。抽籤結果會係6月10日(星期一)的熱線中公佈。  
   
如果有任何查詢，歡迎致電2760 0100同中心職員思韻或Annie聯絡。

今年照顧者支援服務將會同咁多位照顧者同會員朋友介紹更多唔同嘅社區資源。今個年度嘅第二站我哋將會邀請到一間叫「大銀」嘅出版社來做分享，除左會介紹佢哋出版嘅刊物「大人照顧者」之外，仲會有一個關於尊嚴離世的講座。 
日期將會係6月26日（星期三）下午2點至四點係何文田服務中心舉行，現場參加名額20人。如果有需要接送的會員可於下午1:30到何文田地鐵站A出口（第一個英文字母）美心西餅附近等，會有義工帶大家過服務中心。 
如果有興趣聽但唔方便現場出席嘅朋友，我地都設有網上參與，名額不限。將以Microsoft Teams網上會議的形式同大家講解，活動當日用嘅會議電話及編號將於 6月20日(星期四)的通告內公佈，到時各位可以自行進入活動。活動收費全免。 
有興趣報名的照顧者同會員，可於 5月28日 (星期二) 下午3點起， WhatsApps或者致電報名熱線2760 1162報名。 
  
今次活動係同賽馬會無障易學計劃合辦，事緣賽馬會無障易學計劃同事閱覽《大人照顧者》（共十冊）叢書後，認為此套書籍，不論照顧技巧及社區資源訊息均對會員同照顧者都十分有幫助，所以購入此套書，成為協進會管有書籍，可讓會員借閱，更邀請此書作者分享更多照顧者資訊。 
當日流程： 
作者介紹大銀機構及介紹《大人照顧者》十冊書，包括題材：社區資源篇、 求醫篇、藥物篇、食物篇、失禁篇、失眠篇、防跌篇、走失篇、鄰居長者還好嗎、移民父母點算？ 
照顧者資訊講座：尊嚴離世：醫院以外的選擇 
問答和茶點環節 
各位登記參加此講座的會員，可自動成為賽馬會無障易學計劃使用者，免費借閱上述書籍電子版，方便視障人士閱讀，計劃的職員稍後聯絡登記者，辦理簡單的借閱手續。有興趣借閱書籍嘅照顧者就可以係中心登記借閱實體書籍。如有任何查詢，歡迎致電27600100與職員IRIS聯絡。

WhatsApp群組裏面主要會發放社區上同照顧者相關嘅資料、政策或者新聞等等，例如一些社區實用資源、健康資訊等嘅網站。當然仲會第一時間有照顧者活動嘅最新消息啦。 
WhatsApp群組會以單向形式發放消息，即係只有作為群組管理員嘅職員可以發放消息。WhatsApp群組歡迎照顧者登記加入，如果有想關心社區資源嘅會員都歡迎加入，不過請大家留意，群組中的個人資料，例如組員的電話號碼，嚴禁外傳，請各位留意。 
有興趣的照顧者可以WhatsApp 到59301208登記或致電27600100與Iris登記，職員會詢問簡單資料，大家快來介紹比你身邊嘅照顧者聽啦。 

九西慶端午報名已經結束，所有報咗名嘅會員全部成為正選。  
活動會係6月3號(星期一)晚上6點半至9點，係位於長沙灣道 681號貿易廣場地下及1樓2號舖 嘅富臨酒家舉行。參加者需要係活動當日晚上6點30分，係長沙灣港鐵站B出口(第2個英文字母) 集合。收費方面，會員每位$105，同行者每位$170，非會員每位$250。   而菜單方面可以收聽之後既通告。  
阿潮當日嘅活動電話係5421 5637。如果有任何問題，歡迎致電2760 0100同職員阿潮聯絡。 

九西慶端午菜單如下:  
鴻運脆皮乳豬全體  
翡翠珊瑚蚌帶子  
泰式柚子蜜大蝦球  
原隻鮑魚扣花菇  
竹笙燴燕窩  
清蒸蝴蝶龍躉斑  
西施骨浸水東芥  
醬皇一品燒雞  
金菇炆伊麵  
蟠桃壽桃  
  
如對活動有任何查詢，歡迎致電2760-0100與職員阿潮聯絡。

各位新界西嘅會員朋友大家好，新界西慶端午已經截止報名，所有報左名嘅會員已經成為正選，名額已滿。如果對自己嘅報名情況有疑問，請聯絡服務中心。  
  
活動會係6月5日(星期三)舉行，活動時間係晚上6點至8點左右，今次我地會去位於新界荃灣青山公路388號中染大廈7樓701-703號舖 海港酒家 食晚飯，參加者當日有兩個集合地點，第一個係下午5點正係美孚地鐵站月台往烏溪沙方向嘅車頭位置集合 。第二個係下午5點30分係荃灣地鐵站A出口（第一個英文字母）出閘位集合 ，未講低係邊個地方集合嘅參加者，歡迎打返嚟服務中心講低集合地點，之後大約係晚上8點左右，就會返去荃灣港鐵站解散。   
   
收費方面，會員每位$100，同行者每位$165，非會員每位$250。   而菜單方面可以收聽之後既通告。   
  
善善當日嘅活動電話係5628 3308。如果有任何問題，歡迎致電2760 0100同職員善善聯絡。 

新界西慶端午菜單如下: 
鴻運脆皮皇子豬 
黃金蟹肉蝦球伊麵 
西蘭花炒帶子珊瑚蚌 
百花炸釀蟹鉗 
竹笙海皇燴燕窩 
陳皮蒸大連鮑魚 
海港燒鵝皇（半隻） 
歡樂大蟠桃 
 
如果有任何問題，歡迎致電2760 0100同職員善善聯絡。

以下係長者活動：物理治療運動班 A班嘅正選名單： 
12, 麥月萍 
6, 蕭麗萊 
1, 黃雪輝 
7, 林美琳 
13, 梁玉珠 
5, 楊華戴 
 
以下係長者活動：物理治療運動班 A班嘅後備名單： 
4, 葉瑞蓮 
9, 潘瑞德 
3, 胡倩紅 
10, 區月梅 
2, 陳香潔 
 
長者活動：物理治療運動班 B班無需抽籤，以下會讀出正選名單： 
11, 唐翠芳 
14, 林麗華 
15, 陳健文 
 
如有任何查詢，歡迎致電2760 0100與職員思韻聯絡。

長者活動：物理治療運動班會係6月5日，12日，19日同26日(逢星期三)舉行，一共4堂，今次就分咗A班同B班，A班時間係早上10點至11點，B班時間係早上11點30分至中午12點30分，地點係愛民服務中心。 
 
活動接送安排如下：A班嘅參加者如需接送，請準時係早上9點45分，係何文田港鐵站A出口（近美心餅店位置）集合， B班嘅參加者如需接送，請準時係早上11點15分，係何文田港鐵站A出口（近美心餅店位置）集合。 
 
請所有成功報名嘅老友記會員準時嚟上堂啦！記得上堂衣着以輕便舒適為主，同埋方便大家郁動，仲有要自備一條大毛巾上堂個陣用啊！ 活動會收費每位$10。
 
而係上堂前思韻會個別致電同每位參加者做個評估，睇下大家係咪合適參加今次嘅活動。  
    
如果有任何查詢，歡迎致電2760 0100與職員思韻聯絡。

花園大廈導賞團因天雨關係需要延期，詳情如下： 
  
活動會係6月17日(星期一)上午九點半至下午2點半於觀塘花園大廈第二期舉辦。當日我地會係早上九點半於牛頭角站B出口(即第二個英文字母)出閘位置集合，之後就會前往花園大廈參觀，完結後就會到位於觀塘聯安街35號地舖既小明珠午膳，大約2點半就會返地鐵站解散。收費方面費用會員每位$70，同行者每位$110，非會員每位$165。   
  
活動的抽籤結果可參考下一條通告，如無法出席的參加者可於6月8日星期六下午3點前無條件退出。 
  
如果有任何查詢，歡迎致電27600100同服務中心職員阿潮聯絡。

花園大廈導賞團已經報名結束，以下係正選名單:  
  
6, 羅仲坤  
 9, 湯炳雄  
 4, 梁蕙芝, 譚世傑  
 3, 鄭匡宙  
 11, 郭啟峰, 張小玲  
 12, 馮寶華  
 15, 余正庭  
 2, 張倩瓊  
 17, 梁淑蘭, 梁淑蘭同行者  
 16, 韋卓龍  
14, 林穎芝  
  
以下係後備名單:  
 
後備1,5, 程瑞然  
後備2, 8, 林萬好  
後備3, 1, 葉惠兒, 葉惠兒同行者  
後備4, 13 , 鄺佩萍  
後備5, 10, 黎麗玲  
 
如對活動有任何查詢，歡迎致電2760-0100與職員阿潮聯絡。

大家好！我地失明人協進會一直以黎都有唔少熱心嘅義工係我地嘅活動入面協助我地嘅會員投入同參與，實在值得我地好好感謝依班熱心嘅義工們。而家將會有熱心協進義工同個人會員義工嘅提名，如果你都想提名你心目中嘅熱心義工的話，就要留意以下詳情啦︰
提名期由即日起至6月12日星期三下午3時正，基本會員可在提名期致電2337 2736進行提名。請注意，此提名環節只限基本會員參與，每位基本會員最多可提名熱心協進義工及個人會員義工各一位，提名的熱心協進義工必須是贊助會員或非會員之義工；而提名的個人會員義工則必須為本會的基本會員，會員致電提名時，需給予義工的姓名(最好是全名)及提名原因(不多於50字)。被提名的義工將於2024年7月6日協進同行60載 義工嘉許禮當天獲邀上台授予熱心協進義工或個人會員義工之獎項。

如有任何疑問，可致電2337 2736與職教中心職員Keith聯絡。

由於外借場地考試需要，2024年6月1日（星期六）4號房（會議室）及8號房（溫習室二（下午1時至晚上6時將會暫停使用，如對會員朋友帶來不便，敬請見諒！