今期共有10則新通告
通告8：申請聖約翰救傷隊義務牙科服務 抽籤結果 (6月3日)
通告10：小童群益會賽馬會眾心行善計劃：五邑司徒浩中學學生訪問
今期共有2則新通告
今期共有1則新通告
各位老友記會員大家好！嚟緊我地會同香港風濕病基金會合辦物理治療運動班，希望大家可以透過物理治療師嘅指導，有效鍛鍊及強化肌肉與關節，有興趣嘅老友記會員就要留意啦： 活動會係6月5日，12日，19日同26日(逢星期三)舉行，一共4堂，今次就分咗A班同B班，A班時間係早上10點至11點，B班時間係早上11點30分至中午12點30分，地點係愛民服務中心。如果需要接送，可以安排係何文田港鐵站接送。 活動會收費$10，只限60歲或以上基本會員報名參加，退化性關節炎患者優先。而上堂前會個別同每位參加者做個評估，睇下大家係咪合適參加。 有興趣既老友記會員可以係5月20日(星期一)下午3點至5月26日(星期日)下午3點，用Whatsapp或致電報名熱線2760 1162報名，每個電話可以報1個人，每班名額各6個，如果報名人數多過名額，活動將會抽籤，抽籤結果會係5月27日(星期一) 嘅熱線中公怖。 如果有任何查詢，歡迎致電2760 0100與職員思韻聯絡。
各位會員大家好！黎緊6月會有由康文署主辦，本會協辦嘅坐式有氧同樂日。其實坐式有氧係咩黎嘅呢？簡單D講就係坐喺張櫈上面做唔同嘅帶氧運動。坐式有氧非常之適合中高齡人士參與，所以深受長者歡迎嘅一項運動。聽到呢度，有興趣嘅基本會員快D報名喇！ 活動會喺2024年6月17號星期一舉行。活動時間係上午10點至中午12點，地點會喺何文田體育館。活動費用全免，歡迎本會嘅基本會員參加。參加者需要喺活動當日上午9點30分，喺何文田港鐵站A出口(即係第一個英文字母)近美心西餅位置集合。 有興趣嘅基本會員可以係5月21日(星期二)下午3點至5月28日(星期二)下午3點，致電或者WhatsApp報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係5月30日(星期四)嘅熱線中公佈。 如有任何查詢，歡迎致電2760-0100與職員阿彬聯絡。
新東慶端午尚餘少量名額，有興趣嚟石門食端午飯嘅新東分區會員，可以繼續打嚟2760 1162報名㗎！名額先到先得，額滿即止。而之前報咗名嘅會員已經全部成為正選，如果對報名狀況有任何疑問，或者唔肯定自己係咪成功報名，都可以打返嚟服務中心查詢。 活動會係5月28日(星期二)舉行，活動時間係晚上7點至9點，今次我地會去位於沙田石門安群街1號京瑞廣場2期2樓201號舖富臨皇宮食晚飯，參加者需要係活動當日晚上6點30分，係石門港鐵站C出口(第三個英文字母)出閘位集合。大約係晚上9點，就會返去石門港鐵站解散。 收費方面，會員每位$105，非會員每位$250，同行者每位$170。 思韻當日嘅活動電話係6354 7383。如果有任何問題，歡迎致電2760 0100同職員思韻聯絡。
港島齊來慶端午活動尚餘少量名額，所有已經報咗名嘅會員已經自動成為正選，如果對自己嘅報名情況有疑問，請聯絡服務中心。仲有興趣報名嘅會員請喺5月21號（星期二）下午3點至5月26號（星期日）下午3點致電2760-0100報名。名額先到先得，額滿即止。 港島齊來慶端午活動會喺2024年5月31號(星期五)夜晚7點至9點舉行，參加者需要喺活動當日嘅夜晚6點45分喺銅鑼灣地鐵站E出口(即係第5個英文字母)出閘位集合，我地會去位於銅鑼灣告士打道311號皇室堡6樓嘅富軒用膳，收費方面，會員每位$110，同行者每位$185，非會員每位$275。 阿彬當日嘅活動電話係9512-0403 如對活動有任何查詢，歡迎致電2760-0100與職員阿彬聯絡。
照顧者活動端午霓虹燈尚餘少量名額，有興趣嚟整霓虹燈，可以繼續致電或WhatsApp報名熱線2760 1162報名㗎！名額先到先得，額滿即止。而之前報咗名嘅會員已經全部成為正選，如果對報名狀況有任何疑問，或者唔肯定自己係咪成功報名，都可以打返嚟服務中心查詢。 活動會係2024年5月29日(星期三)，開始時間係下午1點正至下午3點正，舉行地點係何文田服務中心，當日有2個集合地點，第一個係中午12點15分係何文田地鐵站A出口(第一個英文字母)出閘位集合，第二個係中午12時45分自行前往到何文田服務中心，歡迎參加者致電服務中心，講低想集合嘅地點。我地安頓好之後就會進行活動，完成後就會係服務中心解散。收費方面，會員及照顧者費用每位30元正。請注意活動作品係2人1組完成1件作品。 善善當日嘅活動電話係56283308，如有任何查詢，歡迎致電2760-0100與職員善善聯絡。
照顧者活動不如一齊學茶道已經截止報名，以下係正選名單： 7, 秦百里, 曾綺玲 8, 余祥龍, 馬麗莎 4, 魏榮福, 魏榮俊 1, 奚小偉, 工人姐姐 2, 羅仲坤 3, 洪軒利 以下係後備名單 5, 梅玉蓮 6, 麥月萍 如有任何查詢，歡迎致電2760-0100與職員善善聯絡。
照顧者活動不如一齊學茶道會係2024年5月24日(星期五)，開始時間係下午2點30分至下午4點正，舉行地點係 The Tea and Coffee Room 鰂魚涌英皇道 651 號科匯中心 801 室。當日我地會係下午1點45分於鰂魚涌站C出口(即第三個英文字母)出閘位置集合，之後就會前往 The Tea and Coffee Room進行工作坊，大約4點完成之後，就會去返鰂魚涌港鐵站解散。收費方面，會員及照顧者費用每位30元正。 善善當日嘅活動電話係56283308，如有任何查詢，歡迎致電2760-0100與職員善善聯絡。
以下係6月3日聖約翰救傷隊義務牙科服務正選名單： 4 陳健文 5 黎麗玲 3 伍錦彬 7 鍾思宏 6 蕭美顏 9 張淑艷 以下係後備名單： 2 江覺年 10 黃秀梅 8 陳衍泓 1 鄭惠瓊 如有任何查詢，歡迎致電2760 0100同職員阿Sa聯絡。
聖約翰救傷隊義務牙科服務應診日期係6月3日(星期一)，時間係晚上6點45分，地點係聖約翰診所。聖約翰診所地址為香港麥當勞道二號聖約翰大樓四樓。參加者可於金鐘港鐵站（B出口，即係第2個英文字母）乘搭城巴12A，於女青年會站落車，巴士站斜對面就係聖約翰大樓。 請所有成功報名嘅參加者，記得應診時帶備有效嘅會員證及身分證，並且準時到達聖約翰大樓接受牙科服務，聖約翰救傷隊有權拒絕遲到者應診。如果發現唔見咗會員證，可以致電行政辦事處，電話係2339 0666，安排補領返張會員證。 為減低2019冠狀病毒病傳播的風險，牙科總區現時會為到訪者人士量度體溫。牙科總區可拒絕不肯接受體溫檢測或體溫高於攝氏37.5度的人士進入。 如有任何查詢，歡迎致電2760 0100同職員阿Sa聯絡。
各位會員，協進會收到小童群益會賽馬會眾心行善義工推廣校園夥伴計劃邀請，招募兩位視障人士接受藍田五邑司徒浩中學學生的訪問，讓同學了解視障朋友的需要，並設計一項服務以協助視障人士到街市買餸時，減少跣倒受傷的機會，以及幫助視障人士在家中煮食。 訪問將會在5月27日(星期一)下午4:30-5:00於藍田啓田道7號五邑司徒浩中學進行，屆時將有校方人員於當日下午4:15，由藍田港鐵站接送視障人士到學校受訪。每位完成訪問的視障人士將可獲薄酬300元。 受訪對象要求包括：有自行買餸及在家煮食經驗，對於買餸或煮食方面可以是早已習慣或會遇到困難的。如居住在東九龍，觀塘區更佳。 會員可以由5月20日(星期一)下午3時至5月22日(星期三)下午3時，致電到行政辦事處23390666，或服務中心報名熱線27601162報名，職員會協助大家填寫一份網上報名表格。如果報名人數多過名額，則會交由負責計劃的社工甄選。結果將會在5月23日(星期四)下午3時或之前，以電話方式通知獲甄選者；未獲甄選者，則不會另行通知。如有任何查詢，歡迎致電23390666與行政辦事處職員Ivy聯絡。
本會邀請視障會員參加製作香薰蠟燭工作坊，為60週年義工嘉許禮製作香薰蠟燭，作為紀念品送贈得奬義工，以作鼓勵。詳情如下﹕ 工作坊共有2節: 製作日期：2024年6月6日 (星期四)及6月7日(星期五); 時間：下午 1時至下午6時 (每節5小時); 津貼﹕每小時$50: 工作坊內容﹕需要製作共200個香薰蠟燭，每人製作100個香薰蠟燭; 地點：觀塘職教中心; 名額 : 2人; 相關要求︰手部靈巧，對香薰蠟燭製作有基本認識者優先。 備註：如參加人數超出名額，會進行電話面試篩選 。 報名﹕可於即日至6月3日(星期一)親臨職教中心報名或致電23372736與職教中心同事 Eva聯絡，入選的參加者會作個別通知。
各位會員大家好，今次呢個活動係想介紹俾新入會既會員朋友。首先我地先喺觀塘地鐵站集合，然後會教大家由地鐵站行嚟職教中心嘅路線，講下沿途會經過D咩，嚟到中心就會講下中心嘅環境，再同大家傾下計，俾大家了解下中心有咩服務，同埋交換一下生活經驗。 活動日期:2024年6月14日(星期五); 時間:上午9時40分於觀塘地鐵站D出口(即係第4個英文字母)集合，活動大約中午12時完結。 活動名額: 20個(會員編號3853或之後既新入會會員優先) ，如報名人數超出名額，將會進行抽籤，中籤者將會個別通知。 如果收唔到通知，就即係落選啦。 活動費用全免。 有興趣嘅會員朋友可於今日至6月3日，於中心開放時間致電23372736報名。 如有任何查詢可致電23372736與職教同事Susan聯絡。
此則通告是本會代粵劇營運創新會發出，所有內容均由有關機構提供，其內容及立場與本會無關，如會員有任何疑問，請直接聯絡有關機構。任何機構如有與視障人士相關的資訊，皆可透過本會的熱線系統以代出通告的形式發放資訊給視障人士。 粵劇營運創新會一向聯同本地粵劇團舉辦不少精彩粵劇演出，是次我們將與香港口述影像協會及玲瓏粵劇團，聯手舉辦粵劇口述影像專場，讓朋友們欣賞由一眾專業演員演釋粵劇舞台藝術。 以下為粵劇口述影像專場演講的詳細資料﹕ 表演日期﹕2024年6月29日（星期六） 表演時間﹕下午1時30分至下午5時30分 表演地點﹕沙田大會堂演奏廳二樓樓座 演出劇目﹕《鳳閣恩仇未了情》 演員﹕龍貫天、鄧美玲、梁煒康、黎耀威、阮兆輝、陳嘉鳴 費用﹕ 全免 (座位有限，先到先得。每名視障人士最多可預留2個座位， 包括視障人士及其同行或照顧者） ** 視障人士需自備接收口述影像服務的3.5mm規格之插孔耳機。 有興趣參加的朋友，可於6月20日前，致電2691 2937聯絡粵劇營運創新會何小姐報名。 重複一次，有興趣參加的朋友，可於6月20日前，致電2691 2937聯絡粵劇營運創新會何小姐報名。 本會辦公時間為上午10時至下午1時，及下午2時至下午6時。