今期共有2則新通告
今期共有9則新通告
通告8：申請聖約翰救傷隊義務牙科服務 抽籤結果(5月14日)
今期沒有新通告
今期沒有新通告
今期共有7則新通告
通告5：賽馬會開聲體體育口述影像服務」計劃介紹 - 本週體育直播精選 (5月9日至5月15日)
通告6：賽馬會無障易學計劃5月10號、11號二手書書展尋寶活動，一齊來買好書，做電子書
通告7：香港失明人協進會60周年暨賽馬會無障易學計劃跨越10周年活動：4月23日世界閱讀日送贈有聲書遊戲得獎名單
今期沒有新通告
今期共有1則新通告
各位會員，本會接獲香港大學教育學院圖書與資訊管理學系碩士學生邀請，協助參與一項名為「探索在人工智慧時代香港視障人士的資訊尋求行為」，目的是探討在人工智慧（AI）時代香港視障人士嘅資訊搜尋行為，以了解視障人士在人工智慧時代尋找資訊的首選方法、技術和工具，以及人工智慧工具對視障人士的資訊搜尋體驗的影響。負責該項研究嘅碩士學生希望邀請10位會員在5月16日至21日期間接受30分鐘至1小時的單對單面談訪問，每次訪談前將會徵求參與者的同意，進行錄音紀錄。本研究期間獲得的所有資訊將僅用於研究目的，參與者的身分將會保密。所有研究數據、音頻錄製和文字稿將保存在設有密碼保護的電腦上。為確保受訪者所陳述的意思不被研究者所誤解，錄音內容將會整理為文字稿，參與者也有權查閱訪談的音頻錄製和文字稿。訪問結果將於7月提交，並不會公開發表，而錄音資料會保存至2027年7月31日止，然後會被銷毀。 有興趣參與今次訪問嘅會員，請於 5月10日星期五中午12時至5月14日星期二中午12時，Whatsapp至54645118作報名。如有任何問題，請致電2339 0666聯絡同事Ivy查詢。
各位會員︰ 5月協進之聲又有得聽，呢個月節目好豐富，記得收聽喇，簡介如下︰ 協進家書─執委施恩傑 小組成員詠琳（黎詠琳）訪問了新任執委施恩傑。 協進連線─瑞士雪山-火車遊 總編灝源（何灝源）邀請了執委嚴俊安和會員鄧子朗分享在瑞士和荷蘭的旅行經驗。 協進家書─ 政策倡議同事 Frankie 小組成員樂詩（蔡樂詩）訪問了政策倡議同事Frankie。 獨評視倡─垃圾徵費 樂詩今次邀請了服務中心經理阿康（李庭康）討論垃圾徵費對視障人士的影響。 網台主持訓練班特備節目： 5月網台節目－說說小故事(廣播劇第4集) (主持:黎詠琳,Joanne) 今集已經來到廣播劇嘅結局篇，最終挪亞一家同動物係方舟上會點呢？究竟彩虹除左代表雨過天青之外，仲有咩特別意義？就等詠琳和Joanne同大家揭曉…… 重溫昔日節目︰ https://www.hkbu.org.hk/tc/publication/voice/index
各位會員大家好~ 我是新加入協進會的活動幹事Vanessa, 大家都可以叫我阿Sa。平時鍾意聼流行歌同爵士樂，有時間都會整下蛋糕咁，嚟緊會協助處理中樂小組，亦都有機會舉辦不同類型的活動。歡迎隨時打電話過來同我傾下計，期待喺不同活動與大家見面。
港島齊來慶端午 各位港島區嘅會員大家好，端午就黎到喇，等阿彬我同大家慶祝端午節啦。 活動會喺2024年5月31號(星期五)夜晚7點至9點舉行，參加者需要喺活動當日嘅夜晚6點45分喺銅鑼溝地鐵站E出口(即係第5個英文字母)出閘位集合，我地會去位於銅鑼灣告士打道311號皇室堡6樓嘅富軒，收費方面，會員每位$110，同行者每位$185，非會員每位$275。 有興趣參加嘅港島分區會員，可以喺2024年5月10號(星期五)下午3點至5月17號(星期五)下午3點，致電或者WhatsApp報名熱線2760-1162報名，每通電話可以報2人，名額32個，如果報名人數多過名額，活動將會以抽籤形式進行，抽籤結果將於5月20號(星期一)熱線通告入面公佈。 如對活動有任何查詢，歡迎致電2760-0100與職員阿彬聯絡。
各位新東嘅會員朋友大家好！嚟緊6月份就係端午節啦！一於同大家食個端午飯慶祝啦！ 活動會係5月28日(星期二)舉行，活動時間係晚上7點至9點，今次我地會去位於沙田石門安群街1號京瑞廣場2期2樓201號舖富臨皇宮食晚飯，參加者需要係活動當日晚上6點30分，係石門港鐵站C出口(第三個英文字母)出閘位集合。大約係晚上9點，就會返去石門港鐵站解散。 收費方面，會員每位$105，非會員每位$250，同行者每位$170。 有興趣嘅新東分區會員可於5月10日(星期五)下午3點至5月17日(星期五)下午3點，用Whatsapp或致電報名熱線27601162報名，每個電話可以報2個人。名額32個，如果報名人數多過名額，就會進行抽籤。抽籤結果會係5月20日(星期一)的熱線中公佈。 如果有任何查詢，歡迎致電27600100同中心職員思韻查詢。
各位會員朋友大家好!唔知大家對「茶」有啲咩諗法?沖泡一壺茶又會有咩講究?不如今次我地就一齊去學茶道啦!今次我地會去TheTeaandCoffeeRoom個邊玩工作坊，個邊嘅導師會講解下中國茶起源、中國茶分類及其工藝、茶席擺放及茶具應用等。當日「茶」嘅主題係烏龍茶，導師都會介紹下烏龍茶係點樣沖泡。今次我地會分2人1組，咁我地就可以邊歎茶邊學習茶道啦!鍾意烏龍茶嘅會員朋友就唔好錯過啦! 活動會係2024年5月24日(星期五)，開始時間係下午2點30分至下午4點正，舉行地點係TheTeaandCoffeeRoom鰂魚涌英皇道651號科匯中心801室。當日我地會係下午1點45分於鰂魚涌站C出口(即第三個英文字母)出閘位置集合，之後就會前往TheTeaandCoffeeRoom進行工作坊，大約4點完成之後，就會去返鰂魚涌港鐵站解散。收費方面，會員及照顧者費用30元正。 有興趣報名嘅會員可以喺5月10日（星期五）下午3點正至5月18日（星期六）下午3點正，致電或WhatsApp報名熱線2760-1162，名額10個，每通電話可報2個人。如果參加者多過名額嘅話，活動就會進行抽籤，照顧者優先，抽籤結果將會喺5月20日(星期一)嘅熱線中公佈。 如有任何查詢，歡迎致電2760-0100與職員善善聯絡。
各位會員朋友大家好!大家知唔知咩係霓虹燈呢?佢係一種內含氣體的燈，而內裡嘅氣體放係電燈中就會發出特異鮮明的色彩，所以通常用於廣告或招牌等用途。今次我地邀請到導師嚟何文田服務中心教我地整霓虹燈，以圖案主題係端午節。我地會分2個人1組去完成一個霓虹燈作品，想近距離接觸下霓虹燈又或者想應節整手工嘅朋友仔，就唔好錯過今次嘅活動啦! 活動會係2024年5月29日(星期三)，開始時間係下午1點正至下午3點正，舉行地點係何文田服務中心，當日有2個集合地點，第一個係中午12點15分係何文田地鐵站A出口(第一個英文字母)出閘位集合，第二個係中午12時45分自行前往到何文田服務中心，請報名嘅朋友報名時講低埋想集合嘅地點。我地安頓好之後就會進行活動，完成後就會係服務中心解散。收費方面，會員及照顧者費用30元正。請注意活動作品係2人1組完成1件作品。 有興趣報名嘅會員可以喺5月10日（星期五）下午3點正至5月18日（星期六）下午3點正，致電或WhatsApp報名熱線2760-1162，名額10個，每通電話可報2個人。如果參加者多過名額嘅話，活動就會進行抽籤，照顧者優先，抽籤結果將會喺5月20日(星期一)嘅熱線中公佈。 如有任何查詢，歡迎致電2760-0100與職員善善聯絡。
香港希望之聲少兒慈善基金會將於2024年5月15日星期三，即係佛誕假期當天的下午3時15分於香港文化中心音樂廳舉行「2024希望之聲慈善音樂會」。音樂會演出單位包括國際著名鋼琴家吳純博士、視障二胡演奏家楊恩華、視障聲樂家蕭凱恩及男中音聲樂家葉志釗等。協進會獲基金會送出20張門票，邀請會員免費索取，每位會員限取2張，先到先得，額滿即止，有興趣嘅會員朋友可於5月10日下午3時至5月13日下午3時期間致電服務中心報名熱線27601162報名，成功報名會員請於5月14日星期二前到職教中心領取。如有任何查詢，請致電23390666與行政辦事處同事或27600100與服務中心同事聯絡。
康文署之美式桌球同樂日活動已經截止報名，所有報左名嘅會員已經自動成為正選，如果對自己嘅報名情況有疑問可以，致電2760-0100與職員阿彬聯絡。 康文署之美式桌球同樂日活動會喺2024年5月22號星期三舉行。活動時間係下午2點至4點，地點會喺何文田體育館。活動費用全免。參加者需要喺活動當日下午1點30分，喺何文田港鐵站A出口(即係第一個英文字母)近美心西餅位置集合。 阿彬當日嘅活動電話係9512-0403。 如有任何查詢，歡迎致電2760-0100與職員阿彬聯絡。
以下係5月14日聖約翰救傷隊義務牙科服務正選名單： 6陳囍鳳 7陳日豪 2蘇細妹 1林佩珍 3劉漢良 5沈燕萍 以下係後備名單： 4鍾思宏 如有任何查詢，歡迎致電27600100同職員思韻聯絡。
聖約翰救傷隊義務牙科服務應診日期係5月14日(星期二)，時間係晚上6點45分，地點係聖約翰診所。聖約翰診所地址為香港麥當勞道二號聖約翰大樓四樓。參加者可於金鐘港鐵站（B出口，即係第2個英文字母）乘搭城巴12A，於女青年會站落車，巴士站斜對面就係聖約翰大樓。 請所有成功報名嘅參加者，記得應診時帶備有效嘅會員證及身分證，並且準時到達聖約翰大樓接受牙科服務，聖約翰救傷隊有權拒絕遲到者應診。如果發現唔見咗會員證，可以致電行政辦事處，電話係23390666，安排補領返張會員證。 為減低2019冠狀病毒病傳播的風險，牙科總區現時會為到訪者人士量度體溫。牙科總區可拒絕不肯接受體溫檢測或體溫高於攝氏37.5度的人士進入。 如有任何查詢，歡迎致電27600100同職員思韻聯絡。
各位會員朋友，賽馬會開聲體將於5月19日喺深水埗運動場觀看港超聯-深水埗對理文，賽事將會提供口述影像給參加者， 今場理文於港超聯聯賽能夠獲勝，就可以首次成為港超聯聯賽冠軍，大家快D報名一齊見証歷史時刻; 活動日期:5月19日(星期日) 集合時間及地點:下午兩點於荔枝角港鐵站A出口(第一個英文字母)大堂集合， 名額:12個，如報名人數超出名額，將會進行抽簽， 費用全免，有興趣嘅朋友可於5月14日或之前致電36151045報名，抽簽結果會於5月16日熱線中公佈。
各位會員朋友，開聲體將於5月20日與打鼓嶺嘅嶺英公學合辦遊覽雲泉仙館， 我地會由粉嶺站乘坐旅遊巴前往雲泉仙館，抵達後會先喺館內品嚐齋宴，然後由嶺英公學嘅小五學生帶領大家遊覽雲泉仙館，，由他們講解館內的建築，館內環境及歷史等，大約下午三點三十分乘坐旅遊巴返回粉嶺站解散; 活動日期:5月20日(星期一) 集合時間及地點:中午十二點於粉嶺站B出口(第二個英文字母)大堂集合， 名額:14個，只限基本會員，如報名人數超出名額，將會進行抽簽， 收費:每位六十元， 有興趣嘅會員可於5月14日或之前致電36151045報名，抽簽結果會於5月16日熱線中公佈。
各位會員朋友，開聲體好開心得到徒手運動團體「肌本野」邀請，誠邀各位會員參與佢地新開設嘅共融徒手運動工作坊。肌本野，肌肉個肌，意思即係透過伸展運動了解自己身體各個肌肉，並且主張就地取材，甚至只係坐喺地下都可以做到唔同伸展動作，學識之後安坐家中都可以做到喇！工作坊會從坐姿認識盤骨和脊柱，由身體嘅中軸發展到四肢嘅調整同控制。練習會涵蓋呼吸，肩關節和髖關節嘅活動度同埋柔韌性訓練。活動會向參與會員贈送運動相關紀念品。 活動日期：5月26日 星期日 集合時間及地點：上午八點三十分，於港鐵荔枝角站B1出口（第二個英文字母）大堂集合，活動大約上午十點三十分結束 名額：12個，如報名人數超出名額，將會進行抽簽，費用全免，有興趣嘅會員可於5月21日或之前致電36151045報名，抽簽結果會於5月23日熱線中公佈。
感謝大家報名參加賽馬會開聲體於5月15日舉行嘅菁英盃決賽-傑志對標準流浪，以下係參加者名單: 1。馮寶華，2.吳國賓，3.李再發，4.陳艷屏，5.陳志剛， 活動尚餘少量名額，有興趣嘅朋友就快D打嚟報名喇! 請各參加者於5月15日(星期三)(佛誕日)下午兩點喺太子港鐵站A出口(第一個英文字母)大堂集合， 如活動當日需要聯絡開聲體職員，或對活動有任何查詢，歡迎致電36151045
5月11日（星期六）凌晨兩點五十五分，香港國際財經台（76台）將會直播英格蘭乙組聯賽升班附加賽準決賽次回合-唐卡士打 對 克魯； 5月11日（星期六）早上九點三十分，Viu TV（99台）將會直播NBA 季後賽- 西岸準決賽- 丹佛金塊 對 明尼蘇達木狼； 5月11日（星期六）下午一點，Viu TV（96台）將會播放NHL 國家冰球聯盟 2023/24- 季後賽 - 愛民頓油人 對 溫哥華加人； 5月11日（星期六）下午五點五十五分，香港國際財經台（ 76台）將會直播亞洲聯賽冠軍盃決賽首回合- 橫濱水手 對 艾阿恩； 5月12日（星期日）凌晨兩點四十分，香港國際財經台（ 76台）將會直播英格蘭乙組聯賽升班附加賽準決賽次回合-米爾頓凱恩斯 對 卡維尼； 5月12日（星期日）下午四點二十五分，TVB Plus（82台）將會直播足總盃2023/2024 - 傑志 對 東方； 5月12日（星期日）下午六點五十五分，香港國際財經台（ 76台）將會直播英格蘭冠軍聯賽升班附加賽準決賽首回合-諾域治 對 列斯聯； 5月12日（星期日）晚上九點十分，香港國際財經台（ 76台）將會直播英格蘭冠軍聯賽升班附加賽準決賽首回合-西布朗 對 修咸頓； 5月12日（星期日）晚上十點十五分，香港國際財經台（ 76台）將會直播英格蘭冠軍聯賽升班附加賽準決賽首回合-西布朗 對 修咸頓； 5月14日（星期二）晚上十一點，Hoy TV（77台）將會播放FIVB世界女排聯賽 - 保加利亞 對 荷蘭；
大家好，我地黎緊5月10日及5月11日，與職教中心合作同大家一齊參與係鰂魚涌太古坊舉行嘅「書出愛心．十元義賣」二手書義賣書展活動，場內15個類別書籍，多達7,000本二手書，每本書以十元一本作義賣，今年更有買十本送兩本的優惠，善款全數捐予香港小童群益會及義務工作發展局。會員參與書展尋寶之後，更可即場向ELFA登記將實體書轉做電子書，方便閱讀。 活動日期：第一場：5月10日(星期五)，第二場：5月11日(星期六)【任選一場】 集合時間：下午2時15分，活動預計下午5時結束 集合地點：鰂魚涌港鐵站站內A出口 (第一個英文字母) 名額：每場10位。參加者可連同一位同行者報名，或由中心安排義工以一對一或一對二形式同遊書展。 活動當日義工會先了解大家閱讀興趣，以便協助同遊書展時揀選書籍。今次更新增現場發掘好書服務，職員會即時以WhatsApp形式向參加者介紹有關書名、作者及相關資訊，讓參加者有多一個途徑知道場內其他好書資訊。 有興趣的協進會會員請於5月10日中午12時或前，WhatsApp 9584 2875報名(請註明姓名、手提號碼及活動場次)
香港失明人協進會60周年暨賽馬會無障易學計劃跨越10周年活動：4月23日世界閱讀日送贈有聲書遊戲已圓滿結束，10位得獎者名單(排名不分先後)：李顯癸、周俊昌、洪國群、湯炳雄、馮啟端、馮寶華、黃嘉濠、雷若冰、鄭婉婷、鄺頌安，多謝大家參與！
以下是2024年5月份買賣欄： 現有會員出讓： 1. 卡拉OK唱歌機一部。價錢: 500元，可再面議。 2. 舊款點字顯示器 (Focus 40)功能正常連一條連接電腦線 。價錢: 3000元，可再面議。 如對上述物品有意洽購者，請致電行政辦事處23390666轉駁電話與出讓者洽談。以上資料由物主提供，本會只代發放資料。